हे री मैं तो प्रेम-दिवानी मेरो दरद न जाणै कोय।  दरद की मारी बन बन डोलूं  बैद मिल्यो नही कोई॥  ना मैं जानू आरती वन्दन,  ना पूजा की रीत।  लिए री मैंने दो नैनो के दीपक लिए संजोये॥  घायल की गति घायल जाणै, जो कोई घायल होय।  जौहरि की गति जौहरी जाणै  की जिन जौहर होय॥  सूली ऊपर सेज हमारी, सोवण किस बिध होय।  गगन मंडल पर सेज पिया की, मिलणा किस बिध होय॥  दरद की मारी बन-बन डोलूं बैद मिल्या नहिं कोय।  मीरा की प्रभु पीर मिटेगी  जद बैद सांवरिया होय॥

बरसै बदरिया सावन की,  सावन की मनभावन की ।  सावन में उमग्यो मेरो मनवा,  भनक सुनी हरि आवन की ॥  उमड घुमड चहुं दिस से आयो,  दामण दमके झर लावन की ।  नान्हीं नान्हीं बूंदन मेहा बरसै,  सीतल पवन सुहावन की ॥  मीरा के प्रभु गिरघर नागर,  आनन्द मंगल गावन की ॥

मेरे तो गिरधर गोपाल दूसरो न कोई  जाके सिर है मोरपखा मेरो पति सोई।  तात मात भ्रात बंधु आपनो न कोई॥  छांड़ि दई कुलकी कानि कहा करिहै कोई॥  संतन ढिग बैठि बैठि लोकलाज खोई॥  चुनरीके किये टूक ओढ़ लीन्हीं लोई।  मोती मूंगे उतार बनमाला पोई॥  अंसुवन जल सींचि-सींचि प्रेम-बेलि बोई।  अब तो बेल फैल गई आणंद फल होई॥  दूध की मथनियां बड़े प्रेम से बिलोई।  माखन जब काढ़ि लियो छाछ पिये कोई॥  भगति देखि राजी हुई जगत देखि रोई।  दासी मीरा लाल गिरधर तारो अब मोही॥

मैं तो सांवरे के रंग राची।  साजि सिंगार बांधि पग घुंघरू, लोक-लाज तजि नाची।।  गई कुमति, लई साधुकी संगति,  भगत, रूप भै सांची।  गाय गाय हरिके गुण निस दिन, कालब्यालसूँ बांची।।  उण बिन सब जग खारो लागत, और बात सब कांची।  मीरा श्रीगिरधरन लालसूँ, भगति रसीली जांची।।

पग घूँघरू बाँध मीरा नाची रे।  मैं तो मेरे नारायण की आपहि हो गई दासी रे।  लोग कहै मीरा भई बावरी न्यात कहै कुलनासी रे॥  विष का प्याला राणाजी भेज्या पीवत मीरा हाँसी रे।  'मीरा' के प्रभु गिरिधर नागर  सहज मिले अविनासी रे॥

नटवर नागर नन्दा,  भजो रे मन गोविन्दा,  श्याम सुन्दर मुख चन्दा,  भजो रे मन गोविन्दा।  तू ही नटवर,  तू ही नागर , तू ही बाल मुकुन्दा ,  सब देवन में कृष्ण बड़े हैं,  ज्यूं तारा बिच चंदा।  सब सखियन में राधा जी बड़ी हैं,  ज्यूं नदियन बिच गंगा,  ध्रुव तारे, प्रहलाद उबारे,  नरसिंह रूप धरता।  कालीदह में नाग ज्यों नाथो,  फण-फण निरत करता ;  वृन्दावन में रास रचायो,  नाचत बाल मुकुन्दा।  मीरा के प्रभु गिरधर नागर,  काटो जम का फंदा।।

तुम बिन मेरी कौन खबर ले,  गोवर्धन गिरिधारीरे॥टेक॥  मोर मुगुट पीतांबर सोभे।  कुंडलकी छबी न्यारीरे॥१॥  भरी सभामों द्रौपदी ठारी।  राखो लाज हमारी रे॥२॥  मीराके प्रभु गिरिधर नागर।  चरनकमल बलहारीरे॥३॥

जो तुम तोड़ो पियो मैं नही तोड़ूँ।  तोरी प्रीत तोड़ी कृष्ण कोन संग जोड़ूँ ॥  तुम भये तरुवर मैं भई पखिया।  तुम भये सरोवर मैं तोरी मछिया॥  तुम भये गिरिवर मैं भई चारा।  तुम भये चंद्रा हम भये चकोरा॥  तुम भये मोती प्रभु हम भये धागा।  तुम भये सोना हम भये स्वागा॥  बाई मीरा कहे प्रभु ब्रजके बाशी।  तुम मेरे ठाकोर मैं तेरी दासी॥

चालो मन गंगा जमुना तीर।  गंगा जमुना निरमल पाणी सीतल होत सरीर।  बंसी बजावत गावत कान्हो,  संग लियो बलबीर॥  मोर मुगट पीताम्बर सोहे  कुण्डल झलकत हीर।  मीराके प्रभु गिरधर नागर चरण कंवल पर सीर॥

गली तो चारों बंद हुई, मैं हरि से मिलूं कैसे जाय।  ऊंची नीची राह लपटीली,  पांव नहीं ठहराय।  सोच सोच पग धरूं जतनसे, बार बार डिग जाय॥  ऊंचा नीचा महल पियाका  म्हांसूं चढ़्‌यो न जाय।  पिया दूर पंथ म्हारो झीणो,  सुरत झकोला खाय॥  कोस कोस पर पहरा बैठ्या, पैंड़ पैंड़ बटमार।  है बिधना, कैसी रच दीनी दूर बसायो म्हांरो गांव॥  मीरा के प्रभु गिरधर नागर  सतगुरु दई बताय।  जुगन जुगन से बिछड़ी  मीरा घर में लीनी लाय॥

कोई कछु कहो रे रंग लाग्यो,  रंग लाग्यो भ्रम भाग्यो ।।टेक।।  लोक कहैं मीराँ भई बाबरी  भ्रम दूनी ने खाग्यो।  कोई कहै रंग लाग्यो।  मीराँ साधाँ में यूँ रम बैठी,  ज्यूँ गुदड़ी में तागो।  सोने में सुहागो।  मीराँ लूती अपने भवन में, सतगुरू आप जगाग्यो।  ज्ञानी गुरू आप जगाग्यो।।